ಶಿರಸಿ: ಜಾನುವಾರುಗಳಿಗೆ ಹೆಚ್ಚುತ್ತಿರುವ ಗಂಟು ರೋಗ ನಿವಾರಣೆಗಾಗಿ ಶ್ರೀಕ್ಷೇತ್ರ ಮಂಜುಗುಣಿಯಲ್ಲಿ ವಿಶೇಷ ಪ್ರಾರ್ಥನೆ ಸಲ್ಲಿಸಲು ದೇವಸ್ಥಾನದ ಪ್ರಧಾನ ಅರ್ಚಕ ಶ್ರೀನಿವಾಸ ಭಟ್ ತೀರ್ಮಾನಿಸಿದ್ದಾರೆ. ಜನವರಿ 4ರ ಅಪರಾಹ್ನ 12.30ಕ್ಕೆ ಮಹಾ‌ಪೂಜೆಯ ಬಳಿಕ ಶ್ರೀವೆಂಕಟರಮಣ ದೇವರಲ್ಲಿ ವಿಶೇಷ ಪ್ರಾರ್ಥನೆ ಹಾಗೂ ಹರಕೆಯ ನಿವೇದನೆ ಕಾರ್ಯಕ್ರಮವನ್ನು ಸಂಕಲ್ಪಿಸಲಾಗಿದೆ.
ಅದೇ ವೇಳೆಯಲ್ಲಿ ಎಲ್ಲ ಹೈನುಗಾರರು ತಮ್ಮ ತಮ್ಮ ಮನೆಗಳಲ್ಲಿ ಮಂಜುಗುಣಿ ದೇವರ ಪೋಟೊ ಅಥವಾ ಮನೆ ದೇವರ ಮುಂದೆ ದೀಪ ಬೆಳಗಿಸಿ ರೋಗ ನಿವಾರಣೆಗಾಗಿ ಭಕ್ತರು ಪ್ರಾರ್ಥನೆ ಸಲ್ಲಿಸುವಂತೆ ಪ್ರಕಟಣೆಯಲ್ಲಿ ಸೂಚಿಸಿದ್ದಾರೆ.
